Бастапқы әскери дайындық бағдарламасына сәйкес жыл сайын 10-сыныптың ер балалары үшін оқу-дала жиындары өткізіледі. Биылғы оқу жылында сабақтар жалпы білім беру мектептерінің базасында ұйымдастырылды.

Бүгін №25, №30 мектептерінде, сондай-ақ Әуезов және Торайғыров атындағы мектептерде оқу сабақтарына мониторинг жүргізілді. Барлық білім беру ұйымдарында оқу процесі бекітілген сабақ кестесі мен күн тәртібіне сәйкес өтті.

№30 мектепте тактикалық алаңда тәжірибелік дағдыларды пысықтауға ерекше назар аударылды. Оқушылар барлау жағдайындағы мотожаяу әскер бөлімдерінің ұрыс қимылдарының негіздерін жетілдірді. Сабақ барысында оқу гранаталарын лақтыру элементтері, сондай-ақ пневматикалық винтовкадан ату дағдылары пысықталды.