Қазақстан Республикасының Мемлекеттік рәміздері күніне орай «Күншуақ» жазғы лагерінің тәрбиеленушілері үшін танымдық-спорттық викторина ұйымдастырылды.

Балалар Қазақстан Республикасының Туы, Елтаңбасы және Әнұраны туралы сұрақтарға жауап беріп, өз білімдерін көрсетті. Мемлекеттік Тумен өткен эстафета ерекше қызығушылық тудырып, қатысушылар ептілік, жылдамдық және командалық бірліктерін танытты.

Сондай-ақ балалар Қазақстанның Туы мен Елтаңбасы бейнеленген пазлдарды құрастырып, мемлекеттік рәміздер туралы білімдерін ойын арқылы бекітті. Іс-шара көтеріңкі көңіл күйде өтіп, оқушылардың патриоттық сезімін арттыруға, мемлекеттік рәміздерді құрметтеуге және Отанға деген сүйіспеншілігін нығайтуға ықпал етті.