16 қыркүйек күні Павлодар қаласының Мұхтар Әуезов атындағы жалпы орта білім беру мектебінде ұлттық зияткерлік ойын – тоғызқұмалақтан «Ұлы дала Ұландары» турнирі өтті.
Жарысқа Мұхтар Әуезов атындағы мектептің, Кенжекөл жалпы орта білім беру мектебінің, №25, №39 және №48 мектептердің оқушылары қатысты. Әр мектептің атынан екі қатысушы – бір ұл және бір қыз өнер көрсетті.
Турнир барысында оқушылар жүрістерді алдын ала есептеу, ойластырылған шешім қабылдау және өзіндік ойын тактикасын құру шеберліктерін көрсетті.
Турнирді өткізудің мақсаты – ұлттық мәдени мұраны дәріптеу, өскелең ұрпақтың тоғызқұмалақ ойынына қызығушылығын арттыру және оқушылардың зияткерлік қабілеттерін дамыту.