Мектепте оқушылар мен қызметкерлерді өрт шыққан жағдайда дұрыс әрекет етуге үйрету мақсатында өрт қауіпсіздігі бойынша оқу-жаттығу өткізілді.
Оқу-жаттығу барысында дабыл белгісі берілген кезде мұғалімдер оқушыларды сынып бөлмелерінен эвакуациялық шығу жолдары арқылы ұйымдасқан түрде сыртқа алып шықты. Барлығы сабыр сақтап, дүрбелеңге бой алдырмай, мұғалімдердің нұсқауларын мұқият орындады.
Мұндай оқу-жаттығулар өрт кезіндегі іс-қимылдарды пысықтауға, қауіпсіздік деңгейін арттыруға, адамдардың өмірі мен денсаулығын сақтауға ықпал етеді.
Оқу-жаттығудың басты мақсаты — әрбір оқушыны өрт болған жағдайда дұрыс әрі жылдам әрекет етуге үйрету.