29 қыркүйек пен 3 қазан аралығында Өзбекстан Республикасының Ташкент қаласында футболдан II халықаралық турнир өтті.
Аталған жарыста 3 «Д» сынып оқушысы Жүнісов Танир Павлодар облысының намысын абыроймен қорғап, жоғары нәтиже көрсетіп, І орынға ие болды!
Жас спортшымызды жарқын жеңісімен шын жүректен құттықтаймыз! Алдағы уақытта да биік белестерді бағындырып, жеңіс тұғырынан көріне беруіне тілектеспіз! Жарайсың, Танир! 2026 жылғы 29 қазан мен 4 қараша аралығында Өзбекстан Республикасының Ташкент қаласында ICTF нұсқасы бойынша таэквондодан Азия чемпионаты өтті. Байрақты бәсекеге Қазақстан, Өзбекстан, Қырғызстан, Тәжікстан және Грузия елдерінің спортшылары қатысты.
Павлодар қаласындағы Мұхтар Әуезов атындағы мектептің 3 «Д» сынып оқушысы Хайхороев Ибрахим, 8 «Б» сынып оқушысы Гусаченко Ангелина және 8 «Г» сынып оқушысы Кольб Альбина жаттықтырушы Артём Вячеславович Граблевтің жетекшілігімен Павлодар облысының құрамасы сапында Қазақстан Республикасының ұлттық құрамасы атынан өнер көрсетті. Спортшылар «Қаһарман» мектебінің атынан да жарысқа қатысты.
Чемпионат барысында Ибрахим, Ангелина және Альбина Павлодар облысының намысын абыроймен қорғап, жоғары нәтиже көрсетті. Үш спортшымыз да Азия чемпионы атанып, алтын медаль иеленді!
Құттықтаймыз! Жеңістеріңіз құтты болсын! Алар асуларыңыз биік, жеңісті жолдарыңыз жалғаса берсін!