«Таза Қазақстан» бағдарламасының командасы Экология және туризм орталығына барып, ұйымның негізгі жұмыс бағыттарымен танысты және республикалық экологиялық бағдарламаны іске асыру аясында БЖЭТО қызметі туралы сюжет түсірді.
Кездесу барысында бағдарлама өкілдері Орталықтың балалар мен жастар арасында экологиялық мәдениетті қалыптастыруға бағытталған білім беру жобаларымен, табиғатты қорғау бастамаларымен жан-жақты танысты. Түсірілім тобы педагогтармен және тәрбиеленушілермен сұхбаттасып, шеберлік сабақтарына, практикалық жаттығуларға қатысып, жас экологтардың алған білімдерін іс жүзінде қалай қолданатынын нақты мысалдар арқылы тіркеді.
Түсірілген материал кең аудиторияға Орталық жұмысының маңыздылығын және оның қоршаған ортаны сақтау мен экологиялық сауатты өскелең ұрпақты тәрбиелеу жөніндегі жалпыұлттық міндеттерді іске асыруға қосқан үлесін көрсетуге мүмкіндік береді.