Бүгін «LEADER CAMP 2026» лагерінің қатысушылары Баянауыл мемлекеттік ұлттық табиғи паркінің аумағында орналасқан Жасыбай батырдың кесенесіне барды.
Танымдық экскурсия барысында балалар Жасыбай батырдың өмірі мен ерлігі туралы мәлімет алып, осы киелі орынға қатысты аңыздармен танысып, ел қорғаған батырдың рухына тағзым етті.
«LEADER CAMP 2026» – бұл тек белсенді демалыс қана емес, сонымен қатар тарихқа тағзым етіп, туған өлкенің табиғи және тарихи мұрасын танып, ата-бабаларымыздың ерлігі мен елдік рухынан өнеге алу мүмкіндігі.