1 Мамыр – Қазақстан халқының бірлігі күніне орай балабақшамызда «Бір шаңырақ астында» атты мерекелік іс-шара өткізілді.Іс-шараның мақсаты – балаларға еліміздегі ұлттар достығы мен татулықтың маңызын түсіндіру, Отанға деген сүйіспеншілік пен құрмет сезімдерін қалыптастыру.Мерекелік шара барысында тәрбиеленушілер бірлік пен достық туралы тақпақтар оқып, әндер орындады, ұлттық билер биледі. Балалар әртүрлі халықтардың мәдениетімен танысып, өз өнерлерін көрсетті. Шара көтеріңкі көңіл-күйде өтіп, бүлдіршіндер достықтың, сыйластықтың және ынтымақтың құндылығын сезінді.«Бір шаңырақ астында» өмір сүріп жатқан барша халыққа амандық, татулық және береке тілейміз!