Бүгін "Рауан" қалалық балалар шығармашылығының іріктеу кезеңі өтті. Біздің балабақшамыздың кішкентай бұлбұлдары мен бишілері өз өнерлерін әділ қазылар алқасына ұсынды.Бақшамыздың ортаңғы топ балаларынан құралған "Балдәурен" вокалдық тобы "Балалық шақ" әнімен, "Айгөлек" республикалық балалар шығармашылығының лауреаты, дайындық тобының тәрбиеленушісі Абиева Анель "Биле жастық" әнін әсем орындап шықты. Ал бақшамыздың мың бұралған бишілері ұсынған нәзік те сұлу биі "Аққу" және табиғаттың оянған сәтінен көрініс берген "Көктем" биі сахнаны сезімге толы күйге бөледі.Іріктеу кезеңінен "Аққу" биі сүрінбей өтіп сайыстың кезекті кезеңіне жолдама алды. Би жетекшісі Айнагүл Талғатты және оның аққудың көгілдіріндей қыздарына алда да сәттілік тілейміз.