26 наурыз даярлық топтың балалары Г.Н.Потанин атындағы Павлодар облыстық тарихи – өлкетану музейіне барды. Балаларға  бірінші екі зал қатты ұнады, олар бұрынғы замандағы осы өлкенің табиғатына арналған. Мұнда балалар қазба жұмысы барысында  Ертіс  аудандарында табылған заттар гиппарион қаңқаларын, сондай-ақ мамонт қаңқаларын, басқада жануарлардың сүйектері мен  бөлшектерін көрді.

Павлодар облысында тұратын ұлттардың  дәстүрлі мәдениетіне  арналған экспозицияларын жан-жақты зерделеп, өзара талқылады. Балалар қазақ халқының көшпелі баспанасы қазақ үйді және оның ішіне жиналатын бұйымдарды көрді.

Балаларға экскурсия өте ұнады, қайтар жолда алған әсерлерімен бөлісіп, көпке дейін айтып жүрді.