Павлодар қаласының «№21 ЖОББМ» КММ-де Қазақстан Республикасының Тәуелсіздік күніне орай ұйымдастырылған қайырымдылық волейбол турнирі сәтті өтті.

Бұл маңызды іс-шараға қаладағы әртүрлі мектептердің оқушыларының ата-аналарынан құралған командалар белсене қатысып, спорттық белсенділікпен қатар жоғары әлеуметтік жауапкершілікті де көрсетті.
Турнирдің негізгі мақсаты – әлеуметтік тұрғыдан осал топтағы оқушыларды қолдау үшін сыйлықтар жинау, сондай-ақ салауатты өмір салтын насихаттау мен командалық рухты нығайту арқылы мектеп пен ата-аналар қауымдастығы арасындағы байланысты күшейту болды.
Қатысушылардың бастамашылдығы мен жанашырлығының арқасында мереке қарсаңында назар мен қолдауға мұқтаж балаларға табысталатын тәтті сыйлықтар жиналды.
Бұл турнир спорттың адамдарды маңызды қайырымдылық мақсаттар жолында біріктіре алатынының жарқын үлгісі болды.