Ата-аналарға педагогикалық қолдау көрсету орталығының қызметі аясында 9 және 11-сынып оқушыларының ата-аналарына арналған іс-шара өткізілді.
Іс-шараның тақырыбы: «Жасөспірімді түсіну және қабылдау. Ата-анадан психологиялық бөлінудің (сепарацияның) маңыздылығы және оның негізгі кезеңдері».
Іс-шара барысында төмендегі мәселелер қарастырылып, талқыланды:
- жасөспірім кезеңінің жас және психологиялық ерекшеліктері;
- ата-аналар мен жасөспірімдер арасындағы жанжалдардың туындау себептері;
- психологиялық сепарация үдерісі және оның тұлғаның дербес қалыптасуындағы маңызы;
- сепарацияның негізгі кезеңдері және әр кезеңде туындайтын ықтимал қиындықтар;
- жасөспірімнің есею кезеңінде ата-ананың қолдау көрсету рөлі;
- отбасында сенімді және өзара құрметке негізделген қарым-қатынасты қалыптастырудың тиімді тәсілдері.
Іс-шара қорытындысы бойынша ата-аналарға практикалық ұсыныстар беріліп, қойылған сұрақтарға жауаптар ұсынылды. Сондай-ақ қатысушылар талқыланған тақырыптың өзектілігі мен практикалық маңыздылығын атап өтті.