«№ 21 жалпы орта білім беру мектебі» КММ-де 9-шы және 11-ші сынып оқушыларына арналған қорытынды аттестаттау мен ҰБТ, сондай-ақ 4-ші және 9-шы сынып білім алушыларына арналған емтихандар өткізіледі. Бұл іс-шаралар мемлекеттік жалпыға міндетті білім беру стандарттарын игеру деңгейін анықтауға бағытталған.

Бұдан бөлек, мектеп оқушылары білім алушылардың білім сапасы мен функционалдық сауаттылық деңгейін бағалауға мүмкіндік беретін Білім алушылардың білім жетістіктерінің мониторингіне (ББЖМ) қатысады.

Сонымен қатар, мектеп бастауыш сынып оқушыларының оқу сауаттылығын бағалауға бағытталған Progress in International Reading Literacy Study (PIRLS) және білім алушылардың оқу, математикалық және жаратылыстану-ғылыми сауаттылық деңгейін бағалайтын Programme for International Student Assessment (PISA) сияқты білім беру сапасын зерттейтін халықаралық жобаларға қатысады.