Павлодар қаласы білім беру бөлімінің «Павлодар дарыны» бос уақытты қамту және балалардың дарындылығын дамыту орталығымен 29 наурыз күні «Ілияс Жансүгіров оқулары» қалалық байқауына М.Әуезов атындағы мектебінің оқушылары қатысты.

Қанатова Томирис «Күйші» поэмасынан үзінді, Дәкен Мырзакәрім «Жазғытырым», «Сәлемдеме», «Көңілдің жүгірісі» өлеңдерін мәнерлеп оқу арқылы актерлік шеберліктерін көрсетті.

Шығармашылық шеберлік пен креативтілікті, орындаудың эмоционалдылығы мен мәнерлілігін көрсете білген байқаудың жеңімпазы 3  Канатова Томиристі құттықтаймыз.

Поэтикалық шығармаларға жағымды эмоционалдық көзқарасты арттырып, мектеп оқушыларының шығармашылық қабілеттерін дамытып, балаларды қазақ халқының әдеби мұраларымен таныстырып жүрген қазақ тілі мен әдебиеті пәнінің мұғалімі Бегалинова Әлия Ерғалиқызына алғысымызды білдіреміз.