Адамгершілік тәрбие оқушылардың бойында  мінез-құлықтың белгілі бір сипаттарын қалыптастыру және олардың өздерінің   бір-біріне, отбасына , басқа адамдарға, мемлекетке, Отанға   деген қатынасын  анықтайтын мінез нормалары  мен ережелерін дарыту жөніндегі арнаулы мақсаты  мен көздеген қызметі.

Осы мақсатты басты назарда ұстап  еңбек етіп  жүрген  №32 мектептің   бастауыш сыныбының  тәжірибелі мұғалімі Сәния Дүйсенбекқызы Оқасова Ата-аналар алдында «Адамгершілік арқауы» атты баяндама оқыды. Бір оқу жылында  мектеп оқушыларына лайықтап әртүрлі тақырыпта  іс-шаралар өткізді.

Мысалы: «Айбары асқақ Ата заң», «1 қыркүйек-Білім күні», «Ұстаздың ұлы келбеті», «Жасампаздық жаршысы», «Жақсы деген немене, жаман деген немене», «Тәуелсіздік шапағаты», «Ана-аса қымбатты жан», «Ынтымақ-достық кепілі, «Ана тілің арың бұл...», «Қош бол, БАСТАУЫШ», «Бар мейіріміміз балалар» атты  іс-шаралардың өткізілу үлгісін жинақтап, «Әдептілік іліппесі» топтамасын шығарды. Мектеп ұстаздарына ауадай қажет бұл жинақтың берері көп болмақ.

Р.Құнашқызы