Бүгін мектебіміздің 9 “Б” сынып оқушылары Әлкей Марғұлан атындағы археологиялық институтқа барып қайтты. Бұл іс шараның мақсаты биыл 120 жылдығы болатын өзіміздің жерлесіміз тарихшы, археолог, этнолог ғалым Әлкей Хақанұлы Марғұланды дәріптеу болатын. Бұнымен қоса оқушыларды еліміздің тарихи жәдігерлерімен таныстыру , дәріптеу мақсаты болды. Іс-шара барысында оқушылар институт қабырғасында болып жатқан іс әрекеттерімен толық танысып шықты. Қазіргі таңда институт қабырғасында Беғазы Дәндібай мәдениетіне жататын қыш құмыраларды қайта қалпына келтіру шаралары жүргізіліп жатыр. Оқушылар бұндай іс шараға дән риза, жәдігерлерді суретке түсіріп өзіне қызық болған заттар жайында сұрақтар қойып оған институт қызметкерлерінен жауап алды.