28 сәуір күні 8 «Б» сыныпта ҰОС тақырыбына сынып сағаты өтті. Балалар «Әскери Даңқ залы» мұражайына саяхат жасады. Мұражай экспозициясы оқушылардың баяндама, шығарма жұмыстарынан құралған. Сонымен қатар Ұлы Отан соғысы ардагерлері мен батырлардың тарихи маңызы бар құжаттары, фотосуреттер, әскери белгілер көрініс тапқан. Әрі қарай залда соғыстың халық қаһарманы атанған батыры Бауыржан Момышұлына арналған естелік бар. Шығыстың қос шынары Әлия Молдағұлова мен Мәншүк Мәметоваға арналған бұрыш бар. Олардың қайсысы болса да, бүгінгі ұрпақтың жадында сақталары хақ. Сонымен қатар мұражайда Ауған соғысына қатысқан азаматтардың өмірлері жайында мәліметтер көрсетілген. Аталмыш стенд мектеп түлегі Ерченко Андрей Викторовичке арналған. Мектептің тарихы тереңде жатқандықтан, залда әр жыл сайын біздің мектеп Ұлы Жеңісті қалай қарсы алғандығы жайлы мағлұматтар жинақталған. Осының барлығы оқушылар бойына қатты әсер тигізді.