2018 жылдың 1 наурызында №22 мектепте жалпы орта білім беру мектептері оқушыларының арасында қазақтың ұлы ақыны Абай шығармашылығына арналған қалалық деңгейде дәстүрлі Абай оқулары байқауы ұйымдастырылды. Оқу төрт номинация бойынша өткізілді: І - «Өлең – сөздің патшасы, сөз сарасы» (мәнерлеп оқу сайысы), ІІ – «Көңілім әнді ұғады» (Абай әндерін орындаушылар сайысы), ІІІ – «Жүйріктен жүйрік озар жарысқанда» (жас ақындар сайысы), «Ұлылар әлемі» (эсс сайысы). Біздің мектептен 5 «а» сынып оқушысы Сагатова Дильноза жас ақындар сайысына, 7 «а» сынып оқушысы Ещанова Аружан мәнерлеп оқу сайысына, 9 «а» сынып оқушысы Төлеуова Айым эссе сайысына қатысты. Сайыстың қорытындысы бойынша Аружан жүлделі І орынға, Айым ІІІ орынға ие болды. Ещанова Аружан облыстық Абай оқуларына жіберілді. Онда да бүкіл мектептің өзіне артқан сенімін ақтап, жоғары нәтиже көрсетеді деп сенеміз.