Елбасымыз Н.Ә. Назарбаев біздің болашағымызды тереңнен толғай отырып «Мемлекетіміздің ең басты дүниесі тек қана табиғи байлық емес, сонымен қатар жасөспірім ұрпақты, өйткені олар- біздің ұлтымыздың болашақ айнасы» дегені мәлім.

  Жас ұрпаққа білім мен тәрбие  беретін ұстаз- баға жетпес биік тұлға.

Ұстаз деген-ұстаз боп туылғандар,

Ұлылықты ұлықтаған имандар.

Ұрпағының ертеңіне жол ашып,

Өмірінің өр шақтарын қиғандар.

Айта берсек, ұстазға тіл жетпеген,

Кімге ұстаз білім нәрін  төкпеген?

Айтыңдаршы, адам бар ма өмірде,

Ұстаздарға қарыздар боп өтпеген.   

  «Ұстазы жақсының ұстамы жақсы» демекші, оқушы бойындағы ұстамдылық пен тәрбиелік көбіне ұстазға келіп тіреледі.

     №16 лицей-мектеп ұстаздар қауымын басқарып жүрген

Қорлан Маратқызы Құсбекова бірнеше ұлттан құрылған тату-тәтті ұжымды басқара отырып,  оқушыларға сапалы білім, саналы тәрбие алумен қатар,заман талабына сай білімді, білікті, нарық заманының бәсекесіне түсе алатын адал азамат болып тәрбиеленуін

әр ұстаздан талап  ететін  құрметті ұстаз.

  «Халық пен халықты,адам мен адамды теңестіретін  нәрсе - білім» деп ұлы жазушы М.Әуезов айтқандай, тәуелсіздік туын тіккен елімізді өркениетке апарар жолдың бастауы-мектеп.

   Ендеше жайма шуақ көктем мерекесі 1-мамыр Қазақстан халықтарының ынтымақтастық күнімен шын жүректен барлық ұстаздар қауымын  құттықтай отырып,шәкірттеріңіздің танымы кең, елжанды, рухы биік азаматтар болсын!