2023 жылғы 5 желтоқсан күні А. Шамкенов атындағы мектеп-лицейде "Жыл мұғалімі" мектепішілік байқауының ақтық кезең өтті. Байқауға педагогикалық өтілі 5 жылға дейінгі кезеңді қамтитын жас ұстаздар қатысты. Байқау қорытындысы бойынша ашық сабақ өткізу кезінде педагогикалық шеберлігін көрсетіп, өзін-өзі таныстыруда шығармашылық дарынын байқатқан және педагогикалық тәжірибесін тамаша таныстырған қазақ тілі мұғалімі Мұқанова А.Р. Бас жүлдеге ие болды. Бірінші орынды орыс тілі мен әдебиеті пәнінің мұғалімі Садықова А.Ж. жеңіп алды. Педагог әр оқушымен жеке жұмыс істеудегі көзқарасын, балалардың сын тұрғысынан ойлау қабілеттерін дамыту мен оқу міндеттерін шешудегі дербестігін арттыру жолындағы шеберлігін көрсете білді. Екінші орынға бастауыш сынып мұғалімі Жангузина Н.М. тұрақтады. Ол өткізген көңілді әрі динамикалық сабақтар кезінде оқушылар білім алып қана қоймай, ұжымдағы жауапкершілік пен өзара көмектің не екенін үйреніп біледі. Жүлделі үшінші орынға көркем еңбек мұғалімі Бейскенова Д.А. ие болды. Ол өз сабақтарыынң барысында оқушылардың оқу ақпаратын тез меңгеріп, пәнге деген қызығушылықтарын оятуға көмектесетін өнімді әдістер мен тәсілдерді қолданды. Сонымен бірге, бастауыш сынып мұғалімі Ганенко В.И., ағылшын тілінің мұғалімі Сайлаубекова М.М., математика мұғалімі Мидиу А.А. түрлі номинациялар бойынша марапатталды. Байқауға қатысқан жас ұстаздар өздерінің кәсіби қызметтерін атқарудағы жауапты әрі шығармашылық көзқарастары мен білім беретін шәкірттерінің тұлғалық әлеуетін дамытуға және кәсіби қызметтерін шыңдауға деген талпыныстарын байқата білді.