Екінші санатты ДОТЖО, орыс тілі мен әдебиеті пәнінің мұғалімі, педагог-зерттеуші. Педагогикалық ұжымның қызметін ағымдағы және перспективалық жоспарлауды ұйымдастырады, мектептің жұмыс оқу жоспарын жасайды.

Қажетті оқу-әдістемелік құжаттаманы әзірлеуді ұйымдастырады және үйлестіреді. Әдістемелік кеңестің, ШМУ, педагогикалық әдеп жөніндегі кеңестің жұмысын жүргізеді, мектепте әдістемелік жұмысты басқарады.

Педагог қызметкерлерге инновациялық бағдарламалар мен технологияларды игеруде және әзірлеуде көмек көрсетеді, инновациялық педагогикалық тәжірибені жетілдіру және жалпылау бойынша мұғалімдердің жұмысын үйлестіреді.

Педагог кадрларды іріктеуге және орналастыруға қатысады, шығармашылық бірлестіктердің жұмысына басшылық етеді.

Мектепте бейіндік оқытуды енгізу бойынша эксперименттік жұмысты үйлестіреді.

Гимназиялық сыныптардағы жұмысты үйлестіреді. Педагогикалық ұжымның дарынды оқушылармен жұмысын үйлестіреді, ғылыми конкурстар мен жарыстарға, семинарларға, ғылыми – практикалық конференцияларға дайындықты ұйымдастырады.