«Жігер» балалар-жасөспірімдер клубының «Жігер Vibe» жазғы жобасы аясында 3 маусым күні Қалалық мәдениет саябағында Павлодар қаласының мектеп оқушыларына арналған «Жігер қуаты» тимбилдинг іс-шарасы ұйымдастырылды.

Іс-шараның негізгі мақсаты – жасөспірімдер арасында командалық рухты, көшбасшылық қабілеттерді және ынтымақтастық дағдыларын қалыптастыру және дамыту. Қатысушылар үйлесімді әрекет етуді, өзара қолдауды және креативті ойлауды талап ететін түрлі спорттық және танымдық тапсырмаларды орындады.

Аталған тимбилдинг оқушылардың бос уақытын тиімді ұйымдастырумен қатар, бастамашыл және ынтымақтастыққа бейім жастар қауымдастығын қалыптастыруға бағытталған маңызды қадам болды.

Іс-шараға Павлодар қаласының 30 мектебінен 200-ден астам оқушы қатысты.