Әр халықтың басты байлығы - ана тілі. 20 қыркүйек күні Павлодар қаласы № 30 жалпы орта мектепте жыл сайынғы дәстүрлі Қазақстан халықтары тілдері күніне арналған «Тілге құрмет – елге құрмет» атты тақырыптық кеш өтті. Кештің мақсаты - мемлекеттік тілге деген қызығушылықтарын арттыру, елін, жерін, өз тілін құрметтеуге тәрбиелеу, тілге деген құрмет барлығымыздың бойымызда болуы керек екенін ұғындыру. Кеш барысында оқушылар туған тіл, Отан, туған жер туралы өлеңдерді нақышына келтіріп айтты, сахналық қойылым көрсетіп, ән - жырдан шашу шашты. Әдеби кешке қатысқан ұстаздар оқушыларды Тілдер мерекесімен құттықтап, алғыстарын білдірді.