Бүкіл әлемде 1-ші маусым Балаларды қорғау күні ретінде аталып өтіледі. Сондықтан да ол халықаралық мейрамдардың бірі саналады. Мерекеге орай қаламызда балаларға арналған көптеген мәдени шаралар ұйымдастырылды. Олардың бірі - балабақшалардың шығармашылық ұжымдарының концерті "Бэби-шлягер 2016" Естай атындағы мәдениет сарайында өтті. Концертке біздің мектебіміздің "Балдәурен" лагерінің балалары барды. Алдымен олар мәдениет сарайының бірінші қабатында ұйымдастырылған "Жас дарындар көрмесін" тамашалады. Концер өте қызықты өтті. Балақайлар үздік өнер көрсетті. Әндерін тамаша орындаса, билері бүлдіршіндердің сахна өнеріне төселіп қалғандарын көрсетті. Балғындар залда отырған күллі көреременнің қошеметімен шапалақ шаттығына бөленді.