«№»7 ЖОББББММ»ММ – де 1 желтоқсан Президент күніне орай мектепішілік бірегей танымдық сабақ өткізілді. Мақсатымыз Тұңғыш Президентіміз Н.Ә. Назарбаев туралы мәлімет беру, сан қырлы талант иесі, құдіретті тұлға екенін таныта отырып, оқушылардың бойында ұлттық рухты, патриоттық сезімдерді ұялату. Болашақта отанымыз Қазақстанды өркендетуге білімді, білікті азаматтар керек екені аңғартылды. Бірегей танымдық сабаққа қалалық білім беру бөлімінен тәрбие секторының меңгерушісі Ж.А.Таджикова, Павлодар Мемлекеттік Педагогикалық Университетінің тарих кафедрасының аға оқытушысы, тарих ғылымдарының кандидаты З.Ш.Айткенов қатысты. Бірегей сабақ барысында оқушылар белсене қатыса отырып, қойылған сұрақтарға мұқият жауап берді. Сонымен қатар бірегей танымдық сабақ қонақтары Тұңғыш Президент туралы өз пікірлерімен алмасып, білім алушылардың білім қоржынын толықтыра түсті.