Бүгін Павлодар қаласының №16 лицей-мектебінде қарттар күніне орай мерекелік бағдарламалар өтті.Құрметті ардагерлер! Сіздердің бойларыңыздағы өмірге деген шексіз белсенділік, ерік-жігер бүгінгі жастарға үлгі-өнеге болып табылады. Сіздердің көпшілігіңіз өз жастарыңызға қарамастан өскелең ұрпақты тәрбиелеуде белсенділік көрсетіп, еңбек еттіңіздер. Біз сіздердің бай тәжірибелеріңізді жоғары бағалаймыз.Бүгін ерен еңбектеріңіз бен шыдамдылық пен төзімділіктеріңізге алғысбілдіреміз. Сіздерге баянды бақыт, мәнді өмір, зорденсаулық пен амандық тілейміз, жақындарыңыздың өздеріңізге деген сарқылмас сүйікпеншілігі мен мақтаныш сезімі арта берсін. Мерекелік іс-шараға мектеп оқушылары,ұстаздары ат салысып қатысты.Ардагерлерге арнайы сыйлықтар берілді,концерттік бағдарлама ұйымдастырылды.Мектеп ұжымына ардагерлер алғысын білдірді.