Павлодар қаласында Қала күні мерекесі аясында тұрғындар мен қала қонақтары үшін Балалар техникалық мектебінің педагогтері қызықты шеберлік сағаттарын өткізді. Шара барысында балалар мен ересектер қарапайым планер-әуе модельдерін жасап, шашқа тағатын әшекей бұйымдар, қолшатыр-вейерлер және басқа да сәндік бұйымдар дайындады. Қатысушылар өз қолымен әсем бұйымдар жасап, шығармашылық қабілеттерін шыңдап, ерекше әсер алды. Мұндай іс-шаралар мерекелік көңіл күй сыйлап қана қоймай, техникалық және сәндік-қолданбалы өнерді өскелең ұрпақ арасында насихаттауға өз үлесін қосады.