Балалар техникалық мектебінің әдістемелік қызметі – бұл білім беру бағдарламаларын, әдістемелік материалдарды әзірлеу, сүйемелдеу және жетілдіру, педагогтердің біліктілігін арттыруды ұйымдастыру, тиімді тәжірибелерді тарату және оқытудың инновациялық нысандары мен технологияларын енгізу арқылы қосымша білім беру сапасын қамтамасыз ету бойынша жүйелі жұмыс. Педагогикалық ұжым: «Әдістемелік сүйемелдеу, жобалық және шығармашылық қызметті ұйымдастыру арқылы қосымша білім беру педагогының кәсіби құзыреттілігін жетілдіру» атты біртұтас әдістемелік тақырып аясында жұмыс істейді.
Әдістемелік жұмыстың негізгі мақсаты – педагогикалық ұжымның кәсіби шеберлік деңгейін арттыру үшін жағдай жасау. Бұл балалармен жұмыс істеудің перспективалық нысандарын тиімді пайдалану және қосымша білім беру педагогтерінің кәсіби құзыреттілігін арттыру мақсатында олардың қызметінің түрлі салаларын әдістемелік сүйемелдеуді көздейді.
Наурыз айында Балалар техникалық мектебінің базасында қала мектептерінің технология мұғалімдері мен қосымша білім беру педагогтеріне арналған «Білім алушыларды жарыстарға, көрмелерге, конкурстарға дайындаудың үздік практикалары мен сәтті тәжірибесі» атты қалалық семинар өтті. Семинар барысында білім алушыларды түрлі деңгейдегі іс-шараларға дайындау бойынша сәтті педагогикалық практикалар ұсынылды. Қатысушылар техникалық және ғылыми-техникалық бағыттағы тиімді әдістемелермен және жұмыс нысандарымен танысып, конкурстық жобаларға қойылатын талаптарды, бағалау критерийлерін және жұмыстарды қорғау ерекшеліктерін қарастырды. Практикалық кейстерді талдауға және кәсіби тәжірибе алмасуға ерекше назар аударылды.
Семинар қосымша білім беру педагогтері мен технология мұғалімдері арасындағы өзара іс-қимылды нығайтуға, сондай-ақ заманауи білім беру технологиялары мен жобалық тәсілдерді енгізуге деген уәжді (мотивацияны) арттыруға септігін тигізді. Іс-шара қорытындысы бойынша қатысушылар өздерінің кәсіби құзыреттілік деңгейін арттырып, білім алушыларды конкурстар мен жарыстарға дайындауға арналған практикалық құралдар алды, сонымен қатар кәсіби байланыстарын кеңейтті. Алынған білім мен тәжірибе алдағы оқу және сабақтан тыс қызметте қолданылатын болады, бұл білім алушылардың конкурстық іс-шараларға қатысу сапасын арттыруға мүмкіндік береді.
