«Сәлем, әлем» таңғы бағдарламасына қонақ ретінде қатысып қайттық. Бағдарлама тақырыбы – «Қолөнер». Эфир барысында «Жігер» балалар-жасөспірімдер шығармашылық орталығының барлық бағыттағы үйірмелері туралы кеңінен мәлімет берілді. Тікелей эфир кезінде көрермендер тарапынан қоңыраулар қабылданып, қойылған сұрақтарға нақты әрі мазмұнды жауаптарды орталық меңгерушісі Алтынай Бағзиқызы ұсынды. Ол орталықтағы үйірмелердің ерекшелігі, балалардың шығармашылық қабілеттерін дамытудағы маңызы және жетістіктері жайлы жан-жақты тоқталды. Сонымен қатар, қолөнер бағыты бойынша жетекші Асия Қалдибаевна ұлттық және заманауи қолөнер түрлері туралы толық ақпарат беріп, бұл үйірменің балаларға беретін пайдасы мен маңызын атап өтті. Бағдарлама жоғары деңгейде өтіп, көрермендерге пайдалы әрі қызықты ақпарат ұсынылды.