Білім күні мерекесіне орай № 30 мектебінде салтанатты жиын өтті. Мектеп ауласында оқушылар, мұғалімдер, ата-аналар сап түзеп жиналды.  Жиын Мемлекеттік Гимнен басталды. Барлық жиналған қауымды мектеп әкімшілігі мен қалалық басқару бөлімінен келген қонақтар құттықтады. Оқушылар ән айтты, каратисттер өз өнерлерін көрсетті. Мерекеге өз балаларын ертіп әкелген ата-аналар да шетте қалған емес, ақ жаулықты апаларымыз балаларға ақ батасын беріп, шашу шашты. Салтанатты жиыннан кейін барлық оқушылар сынып жетекшілерімен бірге сыныптарына тарады.