Қазақстан Республикасында 2021 жыл – Тәуелсіздік жылы болып жарияланды. Осыған байланысты «Бір ел, бір кітап» акциясы еліміздің Тәуелсіздігінің мерейтойына арналған. "30 кітап– Тәуелсіздіктің 30 жылдығы" атты акция аясында жалпыхалықтық оқуға белгілі қазақстандық авторлардың поэзия, проза, драматургия, балалар әдебиеті мен аударма саласындағы үздік 30 шығармасы іріктелді. Бүгінгі біздің шығарылым балалар әдебиетіне арналған: Ыбырай Алтынсарин «Өнер-білім бар жұрттар», Бердібек Соқпақбаев «Жекпе-жек», Марат Қабанбаев «Жиһангез Тити», Толымбек Абдырайым «Алабұға аулаған күн», Зира Наурызбаева, Лиля Калаус «Алтын тостағанды іздеу», Мади Айымбетов «Бар болғаны он төрт жас».