8 Наурыз мерекесі қарсаңында мектебіміздің бастауыш сынып оқушылары өздерінің аналарын, әжелерін, ұстаздарын Халықаралық әйелдер мерекесімен құттықтап, оқушылар мерекелік концерт әэірледі. Бұл мерекеге оқушылар алдын ала мектеп хореографымен вальс биіне, әр түрлі көңілді көріністерге дайындалды. Кішкентай бүлдіршіндер аналарына өз қолдарынан ашық хаттар жасап, өз жылы лебіздерін білдірді. Мерекеге мектеп директоры Любовь Анатольевна Щербакова қатысып, аналарды, қыз балаларды көктем мерекесімен құттықтады.