2019 жылы 11 желтоқсанда жастарды әскери-патриоттыққа тәрбиелеу бағдарламасы аясында қала мектептерінің 9-11 сынып оқушылары пневматикалық винтовкадан оқ ату жарысына қатысты.

ҚР Тәуелсіздігі күніне және Ұлы Отан соғысы Жеңісіне 75-жылдығына орай Павлодар қаласының жоғарғы сынып оқушыларын арасында  пневматикалық винтовкадан оқ ату чемпионаты біздің мектеп базамызда өткізілді.

Жарысқа 24 қалалық мектептептің оқушылар қатысты:№1,2,7,12,13,14,17,19,20,22,24,25,26,28,29,30,33,34,35,36,37,39,40,41, құрамында 2 ұл және 2 қыз. Жарыстық құрметті қонағы жауынгер-интернационалист М.Б. Амиржанов болды. Қатысушылар пневматикалық винтовкадан 2 ату және 3 сынақ ату жаттығуларын орындады. Жарысқа АӘД оқытушы-ұйымдастырушылары А.Ж. Идрисов және Ж.Б. Жумабаев төрешілік жасады. Жарыс бағдарламасы өте мазмұнды болды, оған жеңіске ұмтылу және командалардың ұйымшылдығы көмектесті. Марапаттау рәсімін өткізген Павлодар қаласы білім беру бөлімінің әдіскері К. С. Раисов жастардың осындай жарыстарға қатысуы олардың ату спортына танымалдылық, бойларында патриоттық сезімнің, әскери-спорттық қызмет түрлерімен айналысуға тартылатыны туралы атап өтті.