«Наурыз мейрамы – 2017» көктем мерекесі қарсаңында «Айналайын» шағын орталығында «Наурыз той» атты тақырыптық ойындар өтті. Мақсаты: балалардың мерекелік көңіл-күйін көтеру, Отанға деген сүйіспеншілігін арту, қазақ халқының салт-дәстүріне үйрету, жақын туыстарға қуаныш сыйлау, балалардың шығармашылық қабілеттерін дамыту. Балалар ертеңгілікте 2 тілде өлеңдер оқып, Наурыз туралы ән айтып, қазақтың салт-дәстүрін көрсетті. Сонымен қатар ұлттық ойындар ойнап би биледі. Мереке соңында дастарқан жайылды.