Біздің мектебімізде ҚР Тәуелсіздік күні қарсаңында «Отаны бірдің жүрегі бір, Жүрегі бірдің тілегі бір» атты тақырыпқа мәнерлеп оқу сайысы өткізілді. Сайысқа 1Ә және 2Ә сынып оқушылары қатысты. Оқушылардың киіп келген ұлттық киімдері салтанатқа ерекше нәр беріп тұрды. Салтанат ҚР Гимнін орындаудан басталды. Оқылған өлеңдері тақырыпқа сәйкес таңдалған. Сайыс барысында оқушылардың мәнерлеп оқуы, дауыс ырғағы және өзін-өзі ұстай білуіне көңіл аударылды. Қазылар алқасының шешімі бойынша «Бас жүлдені» 1Ә сынып оқушысы Серікбол Санжар иеленді. І орынды 1Ә сынып оқушысы Дамир Токанов жеңіп алса, ІІ орынға 2Ә сынып оқушысы Төлегенова Іңкәр ие болды. Ал ІІІ жүлдері орынға 2Ә сынып оқушысы Байбурина Аружан шықты. Барлық қатысушылар тәтті сыйлықтармен марапатталды. Оқушылар мерекемен құттықталып, келешекте бұдан да үлкен биіктерден көріне берулеріне және үнемі сәттілік тіленді.
