Қала әкімі Ержан Иманзайыпов @yerzhan_imanzaipov дарынды балалармен кездесті. 2022-2023 оқу жылында шаһардағы мектептерден олимпиадалар, зерттеу жобалар байқауы мен зияткерлік сайыстарға 11 400 оқушы қатысқан. ⠀ Нәтижесінде жас дарындар облыстық деңгейде 302 жүлделі орынға ие болды. Ал, республикалық деңгейде 60 оқушы бақ сынап, 24 жүлделі орынды еншіледі. ⠀ - Сіздер әр түрлі сайыстарда еліміздің намысын қорғап, Павлодардың абыройын асырып келесіздер. Білім мен ғылым жолында табандылық танытып, үлкен еңбек жасап жатқан әрбір дарынды оқушы – мемлекетіміз үшін аса қымбат. Сіздерді дайындаған ұлағатты ұстаздарға, тәрбие берген ата-аналарға ерекше алғысымды білдіремін, - деді Ержан Иманзайыпов. ⠀ Кездесуде қала басшысы жетістікке жеткен 40 оқушыны марапаттап, ақшалай сертификат табыстады.