Білім күні

Алтын ұя -№ 14 мектебіміз білім күні өз есігін оқушылар үшін айқара ашты.Білім күніне арналған салтанатты жиылыстар Қазақстан Республикасының Президенті Н.Ә Назарбаевтың халыққа жолдауынан алынған «Қазақстан 2050» стратегиясының басты бағыттарына сүйеніп,оқу жылының басталуын оқушылардың орындауында көңілді әндерімен,өлеңдерімен жария етті.Мектеп директоры Ә.Ә.Әжібаева мерекеге жиналған ата-аналарды,қонақтарды жаңа оқу жылымен құттықтап,жазғы демалыста мектеп өміріне белсенді қатысқан оқушыларды мақтау қағаздарымен марапаттады.

Мектеп табалдырығын аттаған 1-ші сынып оқушылары үшін бұл күн аса маңызды болды,себебі бұл жаңа өмірдің бірінші баспалдағы.

Ал болашақ мектеп түлектері -11 сынып оқушылары өз білімдерін толықтырып,бұл жылда әлі көптеген асуларға ие болады.

Мерекеде Отанымыз-Қазақстан,мектеп туралы өлеңдер айтылды.Білім ошағына жаңадан келген оқушылар үшін Әліппемен,көңілді гномдармен танысу өте қызық оқиға болды.

«Армансыз адам-қанатсыз құс»- қазақ халқының мақалы бұл іс-шараның «сәтті соңы» - десек болады,өйткені біздің балалардың қолынан аспанға жіберілген шарлар –болашаққа деген берік сенім мен бақыт белгісі ретінде түсінуге болады.

Құрметті оқушылар,алғашқы қоңырау соғылды! Жаңа оқу жылында білім әлемінен нәр алып,биіктен көріне беріндер! Сәттілік тілейміз!