1 сәуірден бастап ата-аналарға мектепке өтінішті интернет арқылы беруге болады.

1. Онлайн-өтінішті беру үшін, www.egov.kz электрондық порталында тіркелу керек.

2. «Білім беру» - «Орта білім беру» - «Білім беру ұйымдарына құжаттарды қабылдау және оқуға қабылдау» (бастауыш, негізгі орта, жалпы орта, арнайы) бөліміне өту.

3. «Қызметке онлайн тапсырыс беруді» таңдап, баланың ЖСН енгізіп, өтінішті электрондық цифрлік қолтаңбамен бекіту қажет.

4. Қажетті мәліметтерді толтырыңыз.

5. Сканерленген құжаттарды тіркеңіз.

6. ЭЦҚ-мен растаңыз.

Егер бала қамқоршылықта болса, сауалға растау құжаттарының көшірмесін бекіту керек.

Ата - аналар мектепті келесі оқу бағыты бойынша таңдайды-жалпы білім беретін мектеп.

Жалпы білім беретін мектепке өтініш бергеннен кейін 5 жұмыс күн ішінде пайдаланушының жеке кабинетіне мектепке қабылдау туралы немесе себептерін түсіндіруімен, бас тарту хабарлама түседі.

Ата-аналар тікелей мектепке жүгінген жағдайда, өздерімен құжаттардың түпнұсқаларын алулары керек.

Интернет арқылы өтініш бере-алмайтын ата-аналар үшін мектепте компьютер және сканермен жабдықталған қызмет көрсету бұрышы ұйымдастырылған.