Жаңа жыл мерекесіне орай жетім балалар мен қамқорсыз қалған балаларды қолдау аясында 7 Б сынып оқушысы Оразалы Дамир Қазақстан Республикасы Президенті атындағы Жаңа жылдық шыршаға қатысушы болды. «Иртыш» мейрамханасының сәнді залында Павлодар облысының әр аймақтарынан келген балалар шырша әнін шырқап, көңіл көтерді. Көңілді ойындар мен әзілдер, жаңа жылдық әндер мен өлеңдер оқылып, қызықты мереке болды. Дамир сыйлыққа ноутбук, Абай өлеңдер жинағы, үстел ойыны мен тәттілер толған қорапшалар алды. Дамир жаңа жылдық шырша мерекесін ұйымдастырушыларға шексіз алғысын, ризашылығын білдірді.